Friday, April 26, 2019

කණගාටුවෙන් ලියමි.

කණගාටුවෙන් ලියමි.

අද 26-04-2019 ය. ශ්‍රී ලංකාවට හදිසි මරාගන මැරෙන ත්‍රස්ථවාදී ප්‍රහාරයක් එල්ල වී සතියක් වත් ගතවී නැත.
ප්‍රහාරය එල කල ඉස්ලාමීය අන්තවාදී ත්‍රස්ථ සංවිධාන සාමාජිකයන් රට පුරා විහිද ඇති බවටත් ජනතාව එල්ලකරගත් තවත් ප්‍රහාර මාලාවක් එල්ල වන බවටත් විදෙස් ඔත්තු සේවා පවා තවමත් දිගින් දිගටම අනතුරු අඟවන බව සැල වේ.
ආරක්ශක අංශ හිටිවනම සෝදිසි මෙහෙයුම් දියත් කරයි. නගර ජනශූන්‍ය කලාප බවට පත් කරයි.මහජන ආරක්ශාව සඳහා හැකි උපරිම පියවර ගනියි.

ප්‍රහාරයට  අදාලව බුද්ධි තොරතුරු ලැබී තිබූ බවට පිළිගන්නා රජය බෝල් පාස් කිරීම අරඹා ඇත. ප්‍රහාරයේ හඬ මැකෙන්නත් පෙර රජයේ මාධ්‍ය ඇමති නිවේදනය කලේ මෙය රාජපක්ශ කුමන්ත්‍රණයක් බවටය. නමුත් හානියේ තරම දුටු විට සියලු කටවල් වැසිනි. බුකියේ පවා සියලු කටවල් වැසිනි. හික් ගෑවී ව්‍යවසනයට මුහුණදීමට එක් රොක් වීම ඇරඹින.
බුකිය ඉතා වැදගත් වගකීම් සහගත ලෙස හැසිරීමට පටන් ගැනිනි.

සමාජ මාධ්‍ය අවහිර කෙරින.
රජය විසින් ගත් එකම ක්ශණික පියවර ගැනින.

ප්‍රහාරයට සම්බන්ධ කිසිම සංවිධානයක් තහනම් කෙරී නැත.
ප්‍රහාරකයන් හා සමීප සම්බන්ධතා පවත්වා අභිප්‍රේරණය කල කිසිදු මුස්ලිම් ඇමති කෙනෙකුට විරුද්ධව කටක් අරින්නට වත් කෙනෙක් නැත.

ජාත්‍යන්තරය හමුවේ රජයේ ඇමති වරුන් සහ අගමැති දිගින් දිගටම රට හෑල්ලු කරමින් පවතී.

මහින්ද මහතා ප්‍රමුඛ පොහොට්ටු පාර්ශවය තමන් විපක්ශය කියා පසකට වීගන ය.එය තේරුම් ගත හැකි ය.
ජවිපෙය කොහේදෝ සිට මතු වී සුපුරුදු පරිදි රාජපක්ශ විරෝධී මත පලකරමින් රනිල් රැකෙන සේ හැසිරෙයි. එය පහසුවෙන්ම තේරුම් ගත හැකිය.
රනිල්,රාජිත ප්‍රමුඛ රජය නීති පොතක් උස්සාගන එහෙ මෙහෙ දුවන අතර විහිළු සපයමින් ඇත.ඒවාට හිනා යන්නේද නැත... නමුත් ඒ හැසිරීම ද තේරුම් ගත හැක.
මයිත්‍රී මහතා විවිධ ප්‍රකාශ නිකුත් කරමින් සිටී.. එයින් එහා දෙයක් බලාපොරොත්තු නොවන නිසා එයද තෙරුම් ගත හැක..

මා හට තේරුම් ගත නොහැක්කේ මේවා ය..

ඊයෙ හවස හිටි හැටියේ රජ්‍ය අංශ පිට පිට වැරදි ගණනාවක් කිරීම.
තහවුරු වී ඇති තොරතුරු මත හෝ ජනතාවට නිවරදි චිත්‍රය සැඟවීම.
තොරතුරු කප්පාදුව.

ඊටත් වඩා....

ඊයේ සවස සිට බුකියේ සිදුවූ හදිසි වෙනස..
ඊයේ සවස සිට ආරක්ශාව පසකින් තබා තම පක්ශය බේරා ගැනීම සඳහා බුකි සටහන් වැපිරීම.
පාක්ශික වහලුන් ගේ ලැජ්ජා සහගත හැසිරීම් ඉතා කණගාටුවෙන් බලා සිටිමි. තර්ජිත තත්වයන් පහව ගොස් නැති අවස්ථාවකදී උවත් පොදු ජනතාවට වඩා තමාගේ පක්ශයේ ලිහී ඇති රෙද්ද වෙනුවෙන් අනෙකෙකුට මඩ ගැසීමට ඇති උනන්දුව දෙස කණගාටුවෙන් බලා සිටිමි.
ජනවාර්ගික පදනමින් පක්ශ සාදා ශක්තිමත් කරමින් බෙදා වෙන්වී මිනී මරණා තැනට රට තල්ලු කරගන යන දිහා නොබලා සිටින්නන් දෙස කණගාටුවෙන් බලා සිටිමි.
පුරවැසියාට පොදු නීති පද්ධතියක් වෙනුවෙන් නොව, පක්ශයයට රෙද්දක් අන්දන්නවුන් දෙස කණගාටුවෙන් බලා සිටිමි.
රිදුනු ජනතාවට කෝචොක් දමන්නන් හා එකත්පස්ව ඔවුන් රකිනා දීන වහල්ලුන් දෙස කණගාටුවෙන් බලා සිටිමි..

දිය බොර වී ඇත... අප විසින් තව තවත් දිය බොර කරමින් ඇත...
ඇම සමඟ පැමිණෙන්නනි....
ඔබගේ ඇම ආදරයෙන් ගිලින්න්නට සූදානම් වූවන් දෙස කණගාටුවෙන් බලා සිටින්නෙමි.

6 comments:

  1. අවාසනාවට ඇත්ත කථාවක්..!!

    ReplyDelete
  2. බලාසිටිනු මිස
    කුමක් කරන්නද

    ReplyDelete
  3. කොහොමත් මේ උන්දලා අතීසාරෙට අමුඩ ගහන්න, වක්කඩේ හකුරු හංහන්න දක්සයෝනේ

    ReplyDelete
  4. උබ ලියලා..හුග කාලෙකින්...බුකිය වහපු එකමයි හොද බලපන් මම ආයමත් බ්ලොග් වල

    ReplyDelete
  5. හොඳ වෙලාවට බ්ලොග් වලින් කරන්න පුළුවන් හරිය දන්නේ නැත්තේ. එහෙම වුණානම් ඒකටත් කෙලවනවා. තමන් නැගපු ඉණි මගට පයින් ගහන්න වෙන එකත් දෛවයේ සරදමක්.

    ReplyDelete
  6. ත්‍රස්තවාදී,ආරක්ෂක,රාජපක්ෂ, ක්ෂණික,විපක්ෂය
    අක්ෂර වින්‍යාසය ගැනත් කණගාටුයි. ගූගල් මහප්‍රාණ අක්ෂර වලට සපෝට් කරන්නෙ නැති නිසා මම ලියපු වචන හරියට ලියවිලා නැතුව ඇති. ඒ ගැනත් කණගාටුයි.

    ReplyDelete